કાળુના ગલ્લા પાછળ જે ગુપ્ત યોજના બની હતી, એનો અમલ કરવાનો સમય હવે આવી ગયો હતો. જગાભાઈ ડિજિટલ દુનિયાના માણસ હતા. એમણે ઓનલાઇન બ્લોગ લખીને એક લાખ રૂપિયા કમાયા હતા, એટલે એમને ખબર હતી કે આજકાલની ભણેલી-ગણેલી છોકરીઓને કઈ વસ્તુનું ઘેન હોય છે.અને કઈ વસ્તુઓ ક્યારે અને કેમ ભારી પડી શકે છે તેનો પણ અંદાજો હતો.
એમણે પોતાની નવી નવલકથા **"The Virtual Trap: Real Losses in a Digital World"** (ધ વર્ચ્યુઅલ ટ્રેપ) ના મુખ્ય વિચારનો ઉપયોગ કરવાનું નક્કી કર્યું. આ વિચાર એવો હતો કે માણસ સોશિયલ મીડિયાના ખોટા આકર્ષણમાં એવો ફસાઈ જાય છે કે એને પોતાની અસલી જિંદગીનું ભાન નથી રહેતું.જગાભાઈએ પોતાના સ્માર્ટફોનનો ઉપયોગ કરીને ઇન્સ્ટાગ્રામ પર એક નકલી પણ અત્યંત ભવ્ય પ્રોફાઇલ બનાવી. આ પ્રોફાઇલનું નામ રાખ્યું— **'રોયલ લક્ઝરી કલ્ચર'**. આ પેજ પર હાઈ-એન્ડ લક્ઝરી ફેશન, મોંઘી બ્રાન્ડ્સ અને વૈભવી ગાડીઓ (જેમ કે Toyota Fortuner અને Toyota Taisor) ના આકર્ષક ફોટા અને રીલ્સ મૂકવામાં આવતા. જગાભાઈએ પોતાની ખોપડી દોડાવીને સોનલની ઇન્સ્ટાગ્રામ પ્રોફાઇલ પર આ પેજ પરથી મેસેજ મોકલ્યો. મેસેજમાં લખ્યું હતું: **"નમસ્તે સોનલમેમ! અમે તમારી પ્રોફાઇલ જોઈ. તમારો લુક અને રોયલ સ્ટાઈલ બહુ જ અદ્ભુત છે. અમારી બ્રાન્ડ ગુજરાતની રોયલ મહિલાઓ માટે એક મોટું પ્રમોશન કેમ્પેઇન શરૂ કરી રહી છે, જેમાં અમે તમને 'મુખ્ય ફેસ' (ઇનફ્લુએન્સર) બનાવવા માંગીએ છીએ. તમારે બસ રોજ અલગ-અલગ ફેશન રીલ્સ બનાવીને અપલોડ કરવાની રહેશે."**સોનલ તો પોતાના ભાઈના પૈસા અને પોતાની સુંદરતાના વટમાં આંધળી હતી. એણે જેવો આ મેસેજ વાંચ્યો, એનો હરખ માય નહિ. એણે જગાભાઈને કીધું પણ નહીં અને આ ઓફર સ્વીકારી લીધી. હવે ખરો ખેલ શરૂ થયો.ગીતા અને કવિતાએ યોજના મુજબ સોનલને ચડાવવાનું શરૂ કર્યું. ગીતા સવારે સોનલના રૂમમાં જઈને કહેતી, **"અરે જેઠાણીબા! આજે તો તમારા ઇન્સ્ટાગ્રામ પર પાંચ હજાર ફોલોઅર્સ વધી ગયા! તમે તો આખા ગુજરાતના મોટા સ્ટાર બની ગયા. આ ઘરના કામકાજ તો અમે સંભાળી લેશું, તમે બસ રીલ્સ બનાવવામાં ધ્યાન આપો. તમારા જેવી મોટી હસ્તી રસોડામાં કચરા-પોતા કરે એ સારું ન લાગે!"**સોનલ વહુઓની આ ચડામણીમાં આવી ગઈ. એણે સવારે વહેલા જાગીને જગાભાઈને હુકમ આપવાનું બંધ કરી દીધું, કારણ કે એ આખી રાત ફોનમાં લાઈક્સ અને કમેન્ટ્સ ચેક કરતી હતી. એણે સવારે સાડા પાંચ વાગ્યાનું એલાર્મ બંધ કરી દીધું. જગાભાઈને પોતાની જૂની આઝાદી પાછી મળવા લાગી. એ પાછા સવારે દસ વાગ્યા સુધી ઊંઘવા લાગ્યા.પણ સોનલનું ઘેન એટલું વધી ગયું કે એ હવે ઘરની અસલી જવાબદારીઓ સાવ ભૂલી ગઈ. એ આખો દિવસ ઓસરીમાં અલગ-અલગ મોંઘા કપડાં પહેરીને, ચશ્મા ચડાવીને કૅમેરા સામે ઠુમકા લગાવતી અને રીલ્સ બનાવતી. ગીતા અને કવિતા જાણીજોઈને રસોડામાં કામ કરવાનું ઓછું કરી નાખ્યું, જેથી ઘરમાં અરાજકતા ફેલાય.એક દિવસ સોનલ ઓસરીના વચોવચ ફોન ગોઠવીને રીલ બનાવતી હતી, બરાબર એ જ સમયે નાથુજી સીમમાંથી થાકેલા-પાકેલા ડેલામાં આવ્યા. સોનલ કૅમેરા સામે બોલતી હતી, **"હેલો ગાય્ઝ! વેલકમ ટુ માય રોયલ લાઈફ..."** નાથુજી વચ્ચેથી પસાર થવા ગયા એટલે સોનલ કડકી, **"અરે બાપુજી! જરા સાઈડમાં રહો, મારી આખી રીલ બગડી ગઈ! તમારી આ ધોતિયા વાળી લાઈફ મારી પ્રોફાઈલ મેચ નથી થતી!"**નાથુજી સ્તબ્ધ થઈ ગયા. એમણે જગાભાઈ સામે જોયું, જેમની આંખોમાં એક ગુપ્ત વિજયી સ્મિત હતું. જગાભાઈ સમજી ગયા હતા કે સોનલ હવે પોતાની જ જાળમાં બરાબરની ફસાઈ ગઈ છે.હવે બસ એક મોટા ધડાકાની જ વાર હતી, જે સોનલને કાયમ માટે આ ઘરમાંથી બહાર ફેંકી દેવાની હતી.
